देवेंद्र फडणवीस यांचा ‘मुख्यमंत्री’पदाचा राजीनामा

मुंबई : मुख्यमंत्री देवेंद्र फडणवीस यांनी अखेर राजीनामा दिला आहे. राजभवानावर देवेंद्र फडणवीस यांनी राज्यपाल भगत सिंह कोश्यारी यांच्याकडे आपला राजीनामा सुपूर्द केला. यावेळी त्यांच्यासोबत चंद्रकांत पाटील, गिरीश महाजन, आशिष शेलार, चंद्रशेखर बावनकुळे, राम कदम हे त्यांच्या पक्षातील सहकारी उपस्थित होते. राज्यपालांनीही त्यांचा राजीनामा स्वीकारला आहे.

तेराव्या विधानसभेचा कार्यकाळ संपायला अवघे काही तास शिल्लक आहेत. तेरावी विधानसभा ही 10 नोव्हेंबर 2014 रोजी अस्तित्त्वात आली होती. 9 नोव्हेंबर रोजी पाच वर्षे पूर्ण होत असल्याने विधानसभेचा कार्यकाळ हा संपुष्टात येणार आहे. घटनात्मक तरतुदीनुसार त्यापूर्वी नवं सरकार अस्तित्त्वात येणं आवश्यक आहे. सरकारचा कार्यकाळ संपण्यास अवघे काही तासच शिल्लक आहेत. त्यामुळे उर्वरीत कालावधीत जर नवे सरकार अस्तित्वात आले नाही तर, घटनात्मक पेच निर्माण होणार आहे. त्यामुळे एक तांत्रिक बाब म्हणून मुख्यमंत्री फडणवीस यांनी मुख्यमंत्रीपदाचा राजीनामा दिला आहे.

विधानसभा निवडणुकीत 105 जागा मिळवत भाजप सर्वात मोठा पक्ष ठरला आहे. तर, त्या खालोखाल शिवसेना 56 जागांसह दुसऱ्या क्रमांकाचा पक्ष ठरला आहे. राष्ट्रवादी काँग्रेसला 54 आणि काँग्रेसला 44 जागा मिळाल्या आहेत. त्यामुळे मोठा पक्ष म्हणून सरकार बनवण्याची नैतिक जबाबदारी भाजपवर येते. विधानसभा निवडणूक भाजप-शिवसेना महायुतीत तर काँग्रेस-राष्ट्रवादी आघाडीत लढले होते. संख्याबळाचा विचार करता भाजप-शिवसेनाने युतीचं सरकार स्थापन करायला हवं होतं. परंतु मुख्यमंत्रीपद आणि सत्तावाटपावरुन दोन्ही पक्षात संघर्ष निर्माण झाल्यामुळे कोणीही राज्यपालांकडे सत्तास्थापनेचा दावा केलेला नाही.

दुसरीकडे काँग्रेस-राष्ट्रवादीकडे बहुमतासाठी आवश्यक संख्याबळ नाही. जनतेने आम्हाला विरोधी पक्षात बसण्याचं मॅनडेट दिलं आहे, असं राष्ट्रवादी काँग्रेसचे अध्यक्ष शरद पवार यांनी सांगितलं आहे.

‘पानिपत : द ग्रेट बेट्रेयल’ या चित्रपटाचा ट्रेलर प्रदर्शित

बहुप्रतिक्षित व बहुचर्चित ‘पानिपत : द ग्रेट बेट्रेयल’ या चित्रपटाचा ट्रेलर आज प्रदर्शित झाला. पानिपत येथे झालेल्या पेशवे आणि अहमद शाह अब्दाली यांच्यादरम्यान झालेल्या पानिपतच्या युद्धासंदर्भात हा चित्रपट आहे. या चित्रपटाचे दिग्दर्शन आशुतोष गोवारीकर यांनी केले आहे. आज (मंगळवारी) दुपारी बारा वाजता गोवारीकर यांनी त्यांच्या ट्विटर अकाऊंटवरुन या चित्रपटाच्या ट्रेलरची लिंक शेअर केली. संजय दत्त, अर्जुन कपूर, क्रिती सनॉन, पद्मिनी कोल्हापुरे, झीनत अमान, मोहनीश बहल अशी तगडी स्टारकास्ट या चित्रपटामध्ये आहे. मात्र अनेकांना हा ट्रेलर प्रदर्शित झाल्यानंतर मराठीमध्ये गोवारीकर यांनी मराठ्यांचा इतिहास मांडायला हवा होता अशा प्रतिक्रिया व्यक्त केल्या आहेत. अनेकांनी हा चित्रपट मराठीमध्ये डब करावा अशी मागणी केली आहे.

भव्यदिव्य स्वरुपात गोष्ट मांडणारे दिग्दर्शक म्हणून गोवारीकरांना यांना ओळखले जाते. पुन्हा तसाच भव्यदिव्य चित्रपट प्रेक्षकांच्या भेटीला आणल्याचे ट्रेलरची सुरुवात पाहताच लक्षात येते. या ट्रेलरमध्ये सदाशिवरावांच्या भूमिकेत अर्जुन कपूर, अहमद शाह अब्दालीच्या भूमिकेत संजय दत्त तर क्रिती सनॉन पार्वतीबाईंची भूमिकेत दिसणार आहेत. या ट्रेलरमधील भव्यदिव्यपणा डोळे दिपवून टाकणार आहे. ट्रेलरमधील संवादही दमदार आहेत. मात्र एका मराठी दिग्दर्शकाच्या नजरेतून साकारण्यात आलेला मराठ्यांच्या पराक्रमावर भाष्य करणारा हा चित्रपट मराठीमधुन बनवायला हवा होता अशा अनेक प्रतिक्रिया गोवारीकर यांच्या ट्विटवर मराठी प्रेक्षकांनी दिल्या आहेत.

खानापूर तालुक्यातील युवकाची चाकूने भोसकून हत्या

खानापूर तालुक्यातील युवकाची हत्या
murder

सांगली :- खानापूर तालुक्यातील साळशिंगे गावानजिक व्यावसायिक तरुणाचा धारदार शस्त्राने खून करण्यात आल्याची घटना समोर आली आहे. बुधवारी रात्री नऊ वाजण्याच्या सुमारास ओढ्याजवळ एक तरुण गंभीर जखमी आवस्थेत सापडला. बालाजी किसन कारंडे ( वय 27, रा. सागर भेंडवडे ) याला रुग्णालयात दाखल करण्यात आले होते. काही वेळातच त्याचा मृत्यू झाल्यानंतर ही खूनाची घटना असल्याने उघडकीस आले.

साळशिंगे गावच्या परिसरातील ओढ्याजवळ एक तरुण गाडीवरून पडून गंभीर जखमी झाल्याची माहिती ग‘ामस्थांना एका प्रवासी महिलेने दिली. भेंडवडे मधील ग‘ामस्थांनी घटनास्थळी धाव घेतली . सागर भेंडवडे येथील बालाजी करांडे हा तरूण रस्त्याकडेला जखमी अवस्थेत पडल्याचे दिसले. त्याला विट्यातील खासगी रुग्णालयात दाखल केल्यानंतर रात्री उशिरा त्याचा मृत्यू झाला. गुरुवारी सकाळी ग‘ामीण रूग्णालयात करांडे याच्या मृतदेहाचे शवविच्छेदन केल्यानंतर त्याच्या उजव्या काखेत खोलवर धारदार शस्त्राने वार करण्यात आला असल्याचे उघडकीस आले. बालाजी याचे विटा येथे खानापूर रस्त्यावर साई मोबाईल शॉपी नावाचे दुकान आहे. त्याच्या खूनाचे कारण समजू शकले नाही. या घटनेची नोंद विटा पोलीसात झाली आहे.