त्यांच्याकडे सापडले १८२महिलांसोबतचे व्हिडीओ

Navmaharashtra News

वेगवेगळया महिलांसोबत प्रणयाचे व्हिडीओ बनवून, ते सार्वजनिक करण्याची धमकी देणाऱ्या दोघा गर्भश्रीमंतांना कोलकात्ता पोलिसांनी बुधवारी अटक केली. महिलांकडून पैसे उकळण्याचा त्यांच्यावर आरोप आहे. अटकेत असलेले दोन्ही आरोपी कोलकात्यातील नावाजलेल्या औद्योगिक घराण्याचे सदस्य आहेत. या प्रकरणात एका आचाऱ्यालाही अटक करण्यात आली आहे. तो एका औद्योगिक कुटुंबात स्वंयपाकी आहे. टाइम्स ऑफ इंडियाने हे वृत्त दिले आहे.

तीन महिन्यांच्या तपासामध्ये त्यांच्याकडे १८२ महिलांचे व्हिडीओ सापडले आहेत. तिन्ही आरोपींना काल स्थानिक न्यायालयात हजर करण्यात आले. एका महिलेकडे १० लाख रुपये खंडणी मागितल्याचा त्यांच्यावर आरोप आहे. या प्रकरणात पुढच्या गुरुवारपर्यंत पोलीस कोठडी सुनावण्यात आली आहे.

महिलांना कसे जाळयात ओढायचे?

एका औद्योगिक घराण्याने त्यांच्या मुलाला या प्रकरणात गोवण्यात आल्याचा दावा केला आहे तर, दुसऱ्या कुटुंबाने यावर काहीही प्रतिक्रिया दिलेली नाही. सहाय्यक पोलीस आयुक्त मुरलीधर शर्मा यांनी अटकेच्या वृत्ताला दुजोरा दिला आहे. दोन्ही आरोपी प्रेमाचे नाटक करुन महिलांना आपल्या जाळयात ओढायचे नंतर प्रणयाच्या क्षणाचे व्हिडीओ शूटिंग करायचे अशी माहिती पोलिसांनी दिली.

एका आरोपीचा लॅपटॉप फॉरेन्सिक प्रयोगशाळेत पाठवला आहे. एका फाईलमध्ये १८२ फोल्डर सापडले आहेत. वेगवेगळया महिलांसोबत शरीरसंबंध ठेवतानाचे व्हिडीओ त्यामध्ये आहेत. २०१३ सालापासूनच्या या क्लिप्स आहेत. मागच्यावर्षी आचारी त्यांच्या कटामध्ये सहभागी झाले. तो महिलांकडे पैशांची मागणी करायचा. पैसे दिले नाहीत तर, व्हिडीओ सार्वजनिक करण्याची धमकी द्यायचा असे पोलिसांनी सांगितले.

आधीपासूनच कॅमेरे सेट करुन ठेवयाचे

दोन्ही आरोपी आधी महिलांबरोबर ओळख करायचे. नात्यात विश्वास निर्माण झाल्यानंतर त्यांना वेगवेगळया ठिकाणी बोलवायचे. तिथे आधीपासूनच शूटिंगसाठी कॅमेरे बसवलेले असायचे. मागच्यावर्षीपासून त्यांनी महिलांकडून पैसे उकळायला सुरुवात केली. त्यांनी एका मुलीकडे पाच लाखाची मागणी केली. मुलीने मागितलेली रक्कम दिल्यानंतर पुन्हा त्यांनी तिच्याकडे १० लाख मागितले. त्यामुळे अखेर तिने सायबर सेलकडे तक्रार नोंदवली. त्यातून या सर्व प्रकरणाचा उलगडा झाला.

सेन्सेक्स कोसळला, गुंतवणूकदारांचे 3.46 लाख कोटी रुपयांचे नुकसान

Navmaharashtra News

मुंबई विशेष प्रतिनिधी : शेअर बाजारांत गुंतवणूकदारांना अर्थसंकल्पातून बऱ्याच अपेक्षा होत्या. मात्र, त्यांची अर्थसंकल्पातील घोषणांमुळे निराशा झाली. गुंतवणूकदारांवर विक्रीचा दबाव वाढला. व्यवहाराच्या अखेरच्या क्षणी सेन्सेक्स १,०९२.२५ अंक कोसळून ३९,६३१.२४ च्या नीचांकी पातळीवर पोहोचला होता. सायंकाळी व्यवसायाच्या समात्तीवर हा ९८७.९६ अंक♦(२.४३%)वर बंद झाला. हा सेन्सेक्स आतापर्यंतच्या चौथ्या आणि १० वर्षांतील अर्थसंकल्पाच्या दिवशी सर्वात मोठा घसरला.


याआधी सेन्सेक्स २४ ऑक्टोबर २००८ रोजी १०७०.६३ अंक घसरून ८७०१.०७ च्या स्तरावर बंद झाला होता. सरकारने चालू आर्थिक वर्षासाठी वित्ती तुटीस जीडीपीच्या ३.३% पर्यंत मर्यादीत ठेवण्याचे लक्ष्य ठेवले होते. सकाळी व्यवसायाच्या सुरुवातीनंतर बाजार मर्यादीत कक्षेत होता. मात्र, अर्थमंत्री निर्मला सीतारामण म्हणाल्या, की वित्तीय तूट जीडीपीच्या ३.८% पर्यंत पोहोचू शकतो. विक्रीचा दबाव सुरू झाला. याशिवाय प्राप्तिकराअंतर्गत सूट परत घेतल्यावर प्राप्तिकर स्लॅबच्या पर्यायी स्लॅबचा प्रस्ताव ठेवला.

डिव्हिडंड डिस्ट्रिब्यूशन टॅक्स जमा करण्याचा भार कंपन्यांवरील हटवून तो प्राप्त करणाऱ्यावर टाकला. सेन्सेक्सच्या धर्तीवर एनएसई निफ्टीत ३००.२५ अंका(२.५१% )ची घसरण पाहायला मिळाली. हा निर्देशांक ११,६६१.८५ च्या पातळीवर बंद झाला. बाजाराच्या या घसरणीत शेअर बाजारातील गुंतवणूकदारांच्या संपत्तीचे मूल्य ३.४ लाख कोटीी रुपयांनी कमी झाले. व्यवसाय सत्राच्या समाप्तीत बीएसईचे बाजार भांडवल १५३.०५ लाख कोटी झाले. सेन्सेक्समध्ये सर्वाधिक घसरण आयटीसीच्या समभागांत राहिली. ही ६.९७% घसरला.

गेल्या दहा वर्षांत बजेटच्या दिवशी सेन्सेक्समध्ये मोठी घसरण नोंदली

> 26 फेब्रुवारी 2010 प्रणव मुखर्जी +175.35
> 28 फेब्रुवारी 2011 प्रणव मुखर्जी +122.49
> 16 मार्च 2012 प्रणव मुखर्जी -209.65
> 28 फेब्रुवारी 2013 पी. चिदंबरम -290.87
> 10 जुलै 2014 अरुण जेटली -72.06
> 28 फेब्रुवारी 2015 अरुण जेटली +141.38
> 29 फेब्रुवारी 2016 अरुण जेटली -152.30
> 1 फेब्रुवारी 2017 अरुण जेटली +485.68
> 1 फेब्रुवारी 2018 अरुण जेटली -58.36
> 1 फेब्रुवारी 2019 पीयूष गोयल +212.74
> 5 जुलै2019 निर्मला सीतारामण -394.67
> 1 फेब्रुवारी 2020 निर्मला सीतारामण -987.96

वित्तीय तूट वाढणे गुंतवणूकदारांसाठी नकारात्मक नाही

अर्थव्यवस्थेला वेग देण्यासाठी अर्थसंकल्पातील अपेक्षा खूप वाढल्या आहेत. वित्तीय तूट वाढणे सकारात्मक आहे. येत्या वित्त वर्षात झाल्यास बाजाराचे मनोधैर्य आणखी वाढते. त्यामुळे बाजारात घसरण दिसली.


देशातील समभागधारकांकडून लाभांशावर करवसुली योग्य नाही

लाभांश वाटप कर हटवण्याचा प्रस्ताव विदेशी गुंतवणूकदारांसाठी चांगला आहे. मात्र, देशातील गुंतवणूकदारांना लाभांश याआधीच कंपनीद्वारे कंपनी कर चुकवल्यानंतर दिला जातो. समभागधारक कंपनीचे मालक असतात. अशात सरकार पुन्हा कर वसुली करत आहे.

महावितरणची वीजबिल वसुली ग्रामपंचायतींकडे !

Navmaharashtra News

वीज थकबाकीच्या मुद्दय़ासह उद्योगांसाठी स्वस्त वीज पुरविण्याबाबत नवीन ऊर्जा धोरणही तयार करण्यात येणार आहे.

महावितरणची आर्थिक परिस्थिती सुधारण्यासाठी वीज देयक वसुलीवर लक्ष केंद्रित करण्यात येत असून, ग्रामीण भागात देयक वसुलीचे काम प्रायोगिक तत्त्वावर ग्रामपंचायतींकडे सोपविण्यात येणार आहे. कृषीपंपांचे थकलेले वीज देयक वसूल करण्यासाठी ऊर्जामित्रांमार्फत प्रयत्न करण्यात येणार आहेत. कृषी वीज थकबाकीच्या मुद्दय़ासह उद्योगांसाठी स्वस्त वीज पुरविण्याबाबत नवीन ऊर्जा धोरणही तयार करण्यात येणार आहे.

ऊर्जामंत्री डॉ. नितीन राऊत यांनी  वरिष्ठ अधिकाऱ्यांची बैठक घेतली. वीज देयक वसुलीसाठी खासगी कंपन्यांशी करार करून नियुक्ती केली जाते. त्या धर्तीवर राज्यातील सहा महसुली विभागांमध्ये प्रत्येकी एका ग्रामपंचायतीकडे प्रायोगिक तत्त्वावर हे काम देण्याच्या सूचना राऊत यांनी महावितरणच्या अधिकाऱ्यांना दिल्या.