कराडमधील महिलेचा रिपोर्ट कोरोना पॉझिटिव्ह

निकट सहवासित 43 वर्षीय महिला कोरोना बाधित ;
मृत 5 महिन्याच्या बालकासह 55 अनुमानितांचे रिपोर्ट आले निगेटिव्ह
13 वर्षाच्या मुलाचा अहवाल अनिर्णित तर 10 जणांना केले विलगीकरण कक्षात दाखल

Navmaharashtra News

सातारा दि. 23( जि. मा. का ) : कृष्णा मेडिकल कॉलेज, कराड येथे दाखल असलेल्या कोरोनाबाधित रुग्णाच्या निकट सहवासित 43 वर्षीय महिलेचा कोरोना रिपोर्ट पॉझिटिव्ह आल्याने ही 43 वर्षीय महिला कोरोना बाधित असलयाची माहिती जिल्हा शल्यचिकीत्सक डॉ. आमोद गडीकर यांनी दिली आहे.
आता सातारा जिल्ह्यात 14 रुग्ण कोविड बाधित असून आता पर्यंत 3 (कोविड 19) मुक्त होऊन रुग्णालयातून सोडले आहेत तर 2 जणांचा मृत्यू झाला आहे.
क्रांतिसिंह नाना पाटील सर्वसाधारण रुग्णालय, सातारा येथील 5, कृष्णा मेडिकल कॉलेज येथील 27, ग्रामीण रुग्णालय कोरेगाव येथील 4, उपजिल्हा रुग्णालय, कराड येथील 8 व फलटण येथील 11 असे एकूण 55 रिपोर्ट निगेटिव्ह असल्याचे बी.जे. वैद्यकीय महाविद्यालय, पुणे यांनी कळविले आहे. कृष्णा मेडिकल कॉलेज, कराड येथे मृत झालेल्या 5 महिन्याच्या बालकाचा अहवाल निगेटिव्ह असल्याचेही कळविण्यात आले आहे. तसेच कृष्णा मेडिकल कॉलेज, येथे बाधित रुग्णाच्या निकट सहवासातील 13 वर्षीय मुलाचा अहवाल अनिर्णित असल्याचे बी.जे. वैद्यकीय महाविद्यलय, पुणे यांनी कळविले आहे.
दि. 22 एप्रिल रोजी रात्री उशिरा क्रांतिसिंह नाना पाटील सर्वसाधारण रुग्णालय, सातारा येथे बाधीत रुग्णाच्या निकट सहवासित म्हणून 10 जणांना विलगीकरण कक्षात दाखल करण्यात आले आहे. या सर्वांच्या घशातील स्त्रावांचे नमुने बी. जे. वैद्यकीय महाविद्यालय, पुणे येथे तपासणीसाठी पाठविण्यात आले आहेत, अशी माहितीही जिल्हा शल्यचिकित्सक डॉ. गडीकर यांनी दिली आहे.

शिवभोजनचे जेवण चांगले 5 रुपयात चांगली सोय

Shivbhojan Thali
Shivbhojan Thali

सांगली, : आजमितीस जिल्ह्यात 21 शिवभोजन केंद्राद्वारे 3 हजार थाळ्यांच्या वितरणाची परवानगी देण्यात आली आहे . या केंद्रांमधून 22 मार्च पासून आजअखेर पर्यंत जवळपास 55 हजार 72 इतक्या व्यक्तींना शिवभोजन याचा लाभ दिला आहे . फूड पॅकेट्स तयार करून त्याचे वितरण करण्यात येत आहे अशी माहिती जिल्हाधिकारी डॉ. अभिजीत चौधरी यांनी दिली.
लॉकडाऊनच्या कालावधीत अनेकांचे रोजगार बंद आहेत. अशावेळी 5 रुपयात जेवण मिळत असल्याने गोरगरीब, कामगार, मजूर आदींना शिवभोजन केंद्रांचा चांगला आधार आहे. यातून लाभ घेणारे अनेक लाभार्थी यासाठी मनापासून धन्यवाद देत आहेत. शिवभोजनाचे लाभ घेणारे सांगली फळमार्केट येथील अरविंद बनसोडे, म्हणाले, लॉकडाऊन मुळे जेवणाची मोठी अडचणी झाली होती. शिवभोजन योजनेमुळे आम्हाला 5 रुपयात चांगले जेवण मिळत असून त्यामुळे आम्हाला फायदा होत आहे.
तर मार्केट यार्डातील हाळदीच्या दुकाना काम करणाऱ्या रेणूका संजय चव्हाण यांनीही लॉकडाऊनमुळे काम बंद असल्यामुळे आर्थिक परिस्थिती बिघडली आहे. शासनाने सुरु केलेल्या शिवभोजन या योजनेमुळे आम्हाला आधार मिळाला आहे. अशा शब्दात आपल्या भावना व्यक्त केल्या.
00000

एबीपी माझाचे पत्रकार राहुल कुलकर्णी यांना जामीन मंजूर

Rahul Kulkarni osmanabad

एबीपी माझा या मराठी वृत्तवाहिनीचे उस्मानाबाद प्रतिनिधी राहुल कुलकर्णी यांनी मंगळवारी रेल्वेसेवा सुरू होणार आहे असे वार्तांकन केल्यामुळेच वांद्रे रेल्वे स्थानक परिसरात परप्रांतीय नागरिकांनी गर्दी केली होती हा आरोप ठेवत कुलकर्णी यांना वांद्रे पोलीसांनी त्यांना उस्मानाबाद येथून अटक केली होती.

आज कुलकर्णी यांना वांद्रे सत्र न्यायालयासमोर हजर केले असता त्यांना न्यायालयाने पंधरा हजार रुपये जातमुचलक्यावर जामीन मंजूर करण्यात आला आहे.अँड्.सुबोध देसाई यांनी राहुल कुलकर्णी यांच्या वतीने काम पाहिले, सरकारी वकील व वांद्रे पोलिसांनी कुलकर्णी यांच्या चौकशी साठी पोलीस कस्टडीची मागणी केली होती न्यायालयाने ती फेटाळून कुलकर्णी यांना जामीन मंजूर केला आहे.

वांद्र्यात नेमकं काय घडलं?
कोरोनाचा वाढता धोका, लॉकडाउनमुळे उपासमारीची वेळ ओढावलेले हजारो मजूर विविध अफवांमुळे मंगळवारी दुपारी वांद्रे स्थानक परिसरात जमल्यानं तणाव निर्माण झाला. अखेर पोलिसांना तेथे अतिरिक्त कुमक मागवावी लागली. काही मजुरांनी आक्रमक पवित्रा घेतल्यानं पोलिसांना सौम्य लाठीमार करावा लागला. दोन तासांनी ही गर्दी नियंत्रणात आली. या प्रकरणी अनेक जणांविरोधात गुन्हा दाखल करण्यात आला आहे.

कुलकर्णी यांच्या अटकेवरून देशभरातील ज्येष्ठ पत्रकार आणि माध्यम समूहांनी नाराजी व्यक्त केली आहे.

अटक करण्यापूर्वी संपूर्ण चौकशी करणे गरजेचं होतं – भारतकुमार राऊत,ज्येष्ठ पत्रकार

कुलकर्णी यांना जामीन मिळाल्याने समाधान – संजय राऊत

पत्रकारांची मुस्कटदाबी करणारे निराधार आणि जुलमी कलमे रद्द करा अशी मागणी राज्यभरातील पत्रकार संघटनांकडून होत आहे.

मी तर फकीर, आपण आपल्या साम्राज्याची काळजी करावी-चंद्रकांत पाटील

Navmaharashtranews
Chandrakant patil on vishwajeet kadam

आपण एका गिरणी कामगाराचा मुलगा असून फकीर आहोत. काचेच्या घराच्या धमक्या कुणाला देता, असे प्रत्युत्तर भारतीय जनता पक्षाचे प्रदेशाध्यक्ष आ.चंद्रकांत पाटील यांनी राज्यमंत्री विश्वजित कदम यांना सोमवारी दिले. कोरोनाच्या संकटकाळी भंडारा जिल्ह्याकडे दुर्लक्ष केल्याबद्दल कदम यांची त्या जिल्ह्याच्या पालकमंत्रिपदावरून हकालपट्टी करण्याची मागणी त्यांनी केली. विश्वजित कदम यांनी सांगली येथे बोलताना चंद्रकांतदादांना उद्देशून काचेच्या घरात राहणाऱ्यांनी दुसऱ्यावर दगड मारू नये, अशी टिप्पणी केली होती. त्याला प्रदेशाध्यक्षांनी उत्तर दिले. ते म्हणाले की, आपण फकीर आहोत. आपल्यावर टीका टिप्पणी करण्यापूर्वी विश्वजित कदम यांनी आपल्या अमाप साम्राज्याची काळजी करावी.

सांगलीत पूर आला त्यावेळी आपण काय केले, असा सवाल विश्वजित कदम यांनी केला आहे. पण मुळात आता संपूर्ण देश आणि राज्य कोरोनाच्या महाभयानक स्थितीचा सामना करत असताना भंडारा जिल्ह्याचे पालकमंत्री असलेले विश्वजित कदम सांगलीत काय करत आहेत, यांचे त्यांनी उत्तर द्यावे, असा सवाल चंद्रकांत पाटील यांनी केला आहे. संकटकाळी भंडारा जिल्ह्याकडे दुर्लक्ष केल्याबद्दल त्या जिल्ह्याच्या पालकमंत्रिपदावरून कदम यांची हकालपट्टी करण्याची मागणी केली. कोरोनाच्या साथीमध्ये भाजपा सत्तेत नसूनही जनतेच्या मदतीला धावून गेला आहे. पक्षातर्फे राज्यातील ४६ लाख लोकांच्या भोजन व्यवस्थेसह शिधा देण्यात आला आहे. अन्य मदतीची आकडेवारी मोठी आहे. अशा स्थितीत पालकमंत्र्यांच्या जबाबदारीनुसार भंडारा जिल्ह्यातील लॉकडाऊनमुळे संकटात सापडलेल्या नागरिकांना मदत करण्याऐवजी त्यांना वाऱ्यावर सोडणाऱ्या विश्वजित कदम यांना सांगलीच्या पुराची चौकशी करण्याचा नैतिक अधिकार नाही, असा टोला चंद्रकांत पाटील यांनी हाणला.

चंद्रकांत पाटील म्हणाले की, सांगली-कोल्हापूर जिल्ह्यांत पूर आला त्यावेळी आम्ही काय‌ केले याचा संपूर्ण महाराष्ट्र साक्षीदार आहे. पुराचा फटका बसलेल्या ४ लाख ७० हजार लोकांचे सुरक्षित स्थळी स्थलांतर केले व १५ दिवस त्यांच्या भोजनाची आणि निवाऱ्यांची व्यवस्था केली. त्या लोकांना रोज ६० रुपये निर्वाह भत्ताही दिला. आसरा घेतलेले लोक परत आपल्या घरी जाण्यास निघाले, त्यावेळी त्यांना भांडीकुंडी व कपड्यांसाठी १५ हजार रुपये दिले. तसेच सहा महिन्यांचे रेशनही दिले. दोन्ही जिल्ह्यांतील शेतकऱ्यांचे कर्ज माफ केले.

सोशल मिडियावर पोस्ट,आव्हाडांच्या कार्यकर्त्यांकडून युवकाला मारहाण

राष्ट्रवादी काँग्रेसचे नेते आणि गृहनिर्माण मंत्री जितेंद्र आव्हाड यांच्याविरोधात सोशल मीडियावर पोस्ट केल्यानं एका अभियंत्याला बेदम मारहाण झाल्याचा धक्कादायक प्रकार उघडकीस आला आहे. अनंत करमुसे असं या स्थापत्य अभियंत्याचं नाव असून आव्हाड यांच्या पोलीस शरीररक्षकांसह काही जणांनी त्यांच्या बंगल्यात नेऊन मारहाण केल्याचा आरोप त्यानं केला आहे. याबाबत वर्तकनगर पोलीस स्थानकात तक्रार दाखल करण्यात आली आहे.

पंतप्रधान नरेंद्र मोदी यांनी रविवार ५ एप्रिल रोजी रात्री ९ वाजता देशवासीयांना दिवे लावण्याचं आवाहन केलं होतं. त्यानंतर आव्हाड यांनी एक व्हिडीओ शेअर करत त्यांच्या निर्णयाला विरोध दर्शवला होता. त्यांच्या या व्हिडीओनंतर अनंत करमुसे यानं त्यांच्याविरोधात फेसबुकवर पोस्ट केली होती. त्यानंतर त्याच रात्री दोन गणवेशधारी आणि दोन विना गणवेशातील पोलिसांनी त्याला आव्हाड यांच्या बंगल्यावर नेलं. दरम्यान, त्यानं प्रश्न विचारला असता त्याला आव्हाडांच्या बंगल्यावर नेत असल्याचं सांगण्यात आलं. त्या ठिकाणी गेल्यानंतर काही लोकांनी त्याला बेदम मारहाण केली. त्यावेळी आव्हाड हेदेखील उपस्थित होते. त्यानंतर त्यांनी ती पोस्ट डिलिट करायला लावली. त्यानंतर माफीचा व्हिडीओ तयार करण्यात आल्याची माहिती त्यानं दिली. यानंतर त्यानं वर्तकनगर पोलीस ठाण्यात तक्रार दाखल करण्यात आली आहे.

पंतप्रधान नरेंद्र मोदी यांनी रविवार ५ एप्रिल रोजी रात्री ९ वाजता देशवासीयांना दिवे लावण्याचं आवाहन केलं होतं. त्यानंतर आव्हाड यांनी एक व्हिडीओ शेअर करत त्यांच्या निर्णयाला विरोध दर्शवला होता. त्यांच्या या व्हिडीओनंतर अनंत करमुसे यानं त्यांच्याविरोधात फेसबुकवर पोस्ट केली होती. त्यानंतर त्याच रात्री दोन गणवेशधारी आणि दोन विना गणवेशातील पोलिसांनी त्याला आव्हाड यांच्या बंगल्यावर नेलं. दरम्यान, त्यानं प्रश्न विचारला असता त्याला आव्हाडांच्या बंगल्यावर नेत असल्याचं सांगण्यात आलं. त्या ठिकाणी गेल्यानंतर काही लोकांनी त्याला बेदम मारहाण केली. त्यावेळी आव्हाड हेदेखील उपस्थित होते. त्यानंतर त्यांनी ती पोस्ट डिलिट करायला लावली. त्यानंतर माफीचा व्हिडीओ तयार करण्यात आल्याची माहिती त्यानं दिली. यानंतर त्यानं वर्तक

यावर भाजपाच्या काही नेत्यांनी आव्हाडांवर टीका केली आहे. “ठाण्यातील या विलक्षण संताप जनक प्रकाराबद्दल ठाणे पोलिस आयुक्तांशी दिल्लीहून फोन वर बोललो. पोलिसांनी कारवाईचे आश्वासन दिले आहेच, पण गंभीर मुद्दा कायद्याच्या रक्षकांनी कायदा हातात घेण्याचा आहे. हा महामानव डॉ. बाबासाहेब आंबेडकरांनी परिश्रमाने साकारलेल्या संविधानाचा अपमान आहे, असं मत भाजपाचे ज्येष्ठ नेते विनय सहस्त्रबुद्धे यांनी व्यक्त केलं.

आव्हाडांना मंत्रिमंडळातून बडतर्फ करा – मा.देवेंद्र फडणवीस
एखाद्या व्यक्तीला मंत्र्यांच्या सुरक्षारक्षकाने, मंत्र्यांच्या घरी नेऊन, मंत्र्यांच्या उपस्थितीत बेदम मारहाण करणे, ही अतिशय गंभीर घटना आहे. मुख्यमंत्री उद्धव ठाकरे यांनी मंत्री जितेंद्र आव्हाड यांना मंत्रिमंडळातून तत्काळ बडतर्फ करावे. अशी मागमी माजी मुख्यमंत्री देवेंद्र फडणवीस यांनी केलं.

शिवभोजन थाळी योजनेचा तालुकास्तरावर विस्तार; किंमत पाच रूपये

Navmaharashtra News
shivbhojan Thali

महाविकास आघाडीच्या सरकारकडून जिल्ह्यांच्या ठिकाणी सुरु करण्यात आलेल्या शिवभोजन थाळी योजनाचा विस्तार आता तालुकास्तरावरही करण्यात येणार आहे. राज्यातील लॉकडाउनच्या परिस्थितीमुळे मोठ्या शहरांबरोबरच निमशहरांमध्येही बेघर, गरीब आणि स्थलांतरीत लोकांचे अन्नावाचून हाल होत आहेत. या पार्श्वभूमीवर राज्य शासनाकडून हा महत्वपूर्ण निर्णय घेण्यात आला आहे.

शिवभोजन थाळी म्हणजे दहा रुपयांत जेवण अशी योजना आहे. मात्र, राज्यातील लॉकडाउनच्या काळात शहरांमध्ये विविध ठिकाणी अडकून पडलेल्या अनेकांचे जेवणाचे हाल होत असल्याने सध्या ही योजना केवळ ५ रुपयांत जेवण अशी करण्यात आली आहे. याच नव्या योजनेचा तालुकास्तरावर विस्तार करून पुढील तीन महिने याद्वारे ५ रुपयांत शिवभोजन थाळी देण्याचा निर्णय राज्य शासनाने घेतला आहे.

तालुकास्तरावरील निमशहरांमध्ये कोरोनाच्या प्रादुर्भावामुळे मजूर, स्थलांतरीत, बेघर तसेच बाहेरगावचे विद्यार्थी व इतरांचे जेवणाअभावी हाल होऊ नये यासाठी हा निर्णय घेण्यात आला असल्याचे शासकीय सुत्रांनी म्हटले आहे.

विधानसभा निवडणुकीतील प्रचारादरम्यान शिवसेनेकडून सत्तेत आल्यास दहा रुपयांत शिवभोजन थाळी सुरु करण्याचे आश्वासन देण्यात आले होते. हे आश्वासन पाळत मुख्यमंत्री उद्धव ठाकरे यांनी याबाबत पहिला निर्णय घेतला होता. दरम्यान, सध्याच्या लॉकडाउनच्या परिस्थितीत शिवभोजन थाळी अनेकांसाठी जीवनदायी ठरली आहे.