गोल्डमॅन सम्राट मोझे यांचे हृदयविकाराने निधन

नवमहाराष्ट्र न्यूज

पुणे : संपूर्ण पुणे शहरामध्ये गोल्डमॅन अशी ख्याती असलेले उद्योजक सम्राट मोझे यांचे सह्याद्री रुग्णालयामध्ये उपचारा दरम्यान मृत्यू झाला. सम्राट मोझे यांचे हृदयविकाराच्या धक्क्यानं निधन झालं असल्याची प्राथमिक माहिती आहे. गेल्या काही दिवसांपूर्वीच त्यांनी आपला ३९वा वाढदिवस साजरा केला होता.

मनसेचे दिवंगत आमदार व गोल्डमॅन म्हणून ओळख असणारे रमेश वांजळे यांच्या नंतर अंगावर भरमसाट सोनं घालण्यासाठी सम्राट मोझे प्रसिद्ध होते. ते दररोज आपल्या अंगावर तब्ब्ल साडे आठ किलो सोनं घालत होते. दरम्यान, गेल्या काही दिवसांपूर्वीच सम्राट मोझे यांनी बनावट फेसबुक अकाऊंटच्या माध्यमातून आपली बदनामी केली जात असल्याची पोलिसांच्या सायबर सेलला तक्रार दिली होती.

सम्राट मोझे यांनी आपले लहानपण चिंचवड गावात व्यतीत केले, त्यांचे प्राथमिक शिक्षण चिंचवडच्या चापेकर शाळेत झाले होते. त्यानंतर मोझे पुण्यात स्थायिक झाले. वडील रामभाऊ मोझे यांच्या राजकीय कारकीर्तिमुळे त्यांना राजकीय वारसा लाभला होता.

अंगावर साडेआठ किलो सोनं घालून दिली होती राष्ट्रवादीची मुलाखात

सम्राट मोझे यांनी मनसेचे दिवंगत आमदार रमेश वांजळे यांचा सोन्याचा रेकॉर्ड ब्रेक केल्याचं बोललं जातं. मोझे हे दररोज अंगावर जवळपास साडेआठ किलो सोनं घातल असत. पुण्यात राष्ट्रवादीकडून पुणे मनपा निवडणूक उमेदवारी मागण्यासाठी सम्राट मोझे यांनी चक्क अंगावर साडे आठ किलो सोनं घालून मुलाखात दिली होती. यापूर्वी अंगावर दोन किलो सोनं असलेल्या रमेश वांजळे यांना राष्ट्रवादीनं तिकीट नाकारलं होतं. सम्राट पुण्याच्या संगमवाडीच्या प्रभाग क्रंमाक 13 मधून निवडणूक लढवणार होते. आपण केलेल्या सामाजिक कार्यामुळे अजित पवार हे आपल्यला पुणे महानगर पालिका निवडणुकीची तिकीट देणारच असा विश्वास सम्राट मोझे यांनी त्यावेळी व्यक्त केला होता.

भाजप कोअर कमिटीची आज बैठक

Getty Images

गेल्या १५ दिवसांपासून राज्यात सुरू असलेला सत्तास्थापनेचा खेळ आता अंतिम टप्प्यात आहे. राज्यपाल भगतसिंह कोश्यारी यांनी शनिवारी सर्वात मोठा पक्ष असलेल्या भाजपला सत्तास्थापनेबाबत विचारणा केली असून सत्ता स्थापन करायची असेल तर होकार कळवा, असा संदेश पाठवला. यानंतर भाजप कोअर कमिटीने रविवारी बैठक बोलावली आहे. यात निर्णय घेतला जाईल, अशी माहिती सुधीर मुनगंटीवार यांनी दिली.

शुक्रवारी देवेंद्र फडणवीस यांनी मुख्यमंत्रिपदाचा राजीनामा दिल्यानंतर राज्यपालांनी त्यांना काळजीवाहू मुख्यमंत्री म्हणून काम पाहण्यास सांगितले आहे. राज्यात महायुतीला स्पष्ट बहुमत मिळाले असले तरी भाजप व शिवसेनेत मुख्यमंत्रिपदावरून वाद झाल्याने महायुती सत्ता स्थापन करू शकली नाही. त्यामुळे राष्ट्रपती राजवट लागू होते की काय, अशी स्थिती होती. ही बाब लक्षात घेऊन राज्यपालांनी सर्वात मोठा पक्ष असलेल्या भाजपला सत्तास्थापनेबाबत विचारणा केली आहे.

  • सर्वात मोठा पक्ष असल्याने भाजपला सत्ता स्थापनेसाठी राज्यपालांनी बोलावले

२०१४ मध्ये भाजप मोठा पक्ष ठरल्याने त्यांनी स्वत: सत्तास्थापनेचा दावा केला होता. आवाजी मतदानाने बहुमतही सिद्ध केले होते. त्यानंतर शिवसेना सत्तेत सहभागी झाली. या वेळी अल्पमतातील सरकार स्थापन करायचे नाही व फोडाफोडीचे राजकारण करायचे नाही, असा निर्णय भाजपने घेतला आहे. त्यामुळे भाजपच्या निर्णयाकडे सर्वांचे लक्ष आहे.

शिवसेना आमदार हॉटेलमध्ये

राज्यपालांनी भाजपकडे सत्तास्थापनेबाबत विचारणा केल्याचे वृत्त येताच शिवसेना नेते मिलिंद नार्वेकर, एकनाथ शिंदे मढ येथील हॉटेल रिट्रिटमध्ये ठेवलेल्या शिवसेना आमदारांची भेट घेण्यास रवाना झाले.

काँग्रेसच्या ३५ आमदारांची जयपुरला रवानगी : काँग्रेसचे ८ आमदार गुरुवारी जयपुरात होते. ती संख्या आता ३५ झाली. सोनिया गांधी यांच्या भेटीला दिल्लीला गेलेला आमदारांचा एक गट शनिवारी येथे पोहोचला. प्रदेशाध्यक्ष बाळासाहेब थोरातही जाणार असल्याचे समजते.

पश्चिम बंगालमध्ये ‘राज ठाकरे’ पॅटर्न; ‘बंगालमध्ये राहायचं असेल ‘बांग्ला’ आलंच पाहिजे’

कोलकाता: लोकसभा निवडणुकीत दारुण पराभव स्वीकारल्यानंतर ममता बॅनर्जी अनेक मुद्यांवरून चर्चेत येत आहेत. काही वर्षांपूर्वी महाराष्ट्रात राहायचं असेल तर मराठी यायला पाहिजे, असा नारा मनसेप्रमुख राज ठाकरे यांनी महाराष्ट्रात दिला होता. तोच नारा आता मामता बॅनर्जी यांनी पश्चिम बंगालमध्ये दिला आहे. बंगालमध्ये राहायचं असेल तर तुम्हाला ‘बांग्ला’ आलंच पाहिजे, असे त्यांनी म्हटले आहे. पश्चिम बंगालच्या मुख्यमंत्री ममता बॅनर्जी यांचे आक्रमक रूप गेल्या काही दिवसांपासून पाहायला मिळत आहे.

काय म्हणाल्या ममता बॅनर्जी?

“मी ज्या राज्यात जाते तेव्हा तिथली भाषा बोलते. बंगालमध्ये राहणाऱ्यांना ‘बांग्ला’ यायलाच हवी. राज्यात कायदा आणि सुव्यवस्थेची स्थिती कुणालाही बिघडवता येणार नाही. देशभरातून अनेक समाजकंटक कोलकात्यात येतात आणि फिरतात हे मी चालू देणार नाही”

युवकाची उकळत्या काहीलीत उडी मारून आत्महत्या

नवमहाराष्ट्र वेब टीम | कोल्हापूर

पालकरवाडी (ता. राधानगरी) येथील गुर्‍हाळघरातील उकळत्या रसाच्या काहिलीत उडी मारल्याने 95 टक्के होरपळलेल्या गौतम मल्‍लू कांबळे (वय 22, रा. तामगाव, करवीर) याचा मृत्यू झाला.

गौतम हा तीन महिन्यांपासून राधानगरीतील कसबा वाळवेत सचिन पाटील यांच्या गुर्‍हाळघरात जळण टाकण्याचे काम करीत होता. शुक्रवारी सकाळी तो काहिलीजवळ आला. सहकार्‍यांच्या डोळ्यादेखतच त्याने उकळत्या रसाच्या काहिलीत उडी मारली. हा प्रकार पाहताच सहकार्‍यांनी आरडाओरड करून काठ्या, दोरीच्या सहाय्याने त्याला काहिलीतून बाहेर काढले. यामध्ये तो संपूर्णपणे पोळला होता. त्याला गंभीर अवस्थेत उपचारासाठी सीपीआर रुग्णालयात आणण्यात आले. तो बेशुद्ध होता. त्याच्यावर अतिदक्षता विभागात उपचार सुरू होते. गेल्या काही दिवसांपासून तो निराश होता.

सीसीटीव्हीत प्रकार कैद

गौतम कांबळे हा चालत काहिलीपर्यंत आला. उकळत्या रसात त्याने स्वत:हून उडी घेतल्याचे चित्रीकरण येथील सीसीटीव्हीमध्ये झाले.

‘मॅगी’ नूडल्स पुन्हा संकटात!, शिशाच्या प्रमाणावरुन न्यायालयाचा सवाल

सुप्रीम कोर्टात नेस्ले कंपनीकडून दाखल झालेल्या याचिकेवर पुन्हा एकदा सुनावणी सुरु झाली असून लहान मुलांना शिसेयुक्त मॅगी का खायला द्यावी ? असा प्रश्न कोर्टाने कंपनीला विचारला आहे. यावर शिशाचं प्रमाण दिलेल्या मानकांनुसारच असल्याचा दावा कंपनीच्या वकिलांनी कोर्टात केला आहे.

मॅगीमध्ये जास्त प्रमाणात शिसे व मोनो सोडियम ग्लुटामेट सापडल्याप्रकरणी अयोग्य व्यापार पद्धती, दिशाभूल करणाऱ्या जाहिराती या कारणास्तव नेस्ले कंपनीकडून केंद्र सरकारने 3 वर्षांपूर्वी 640 कोटी रुपयांची भरपाई मागितली होती. एखाद्या कंपनीविरोधात अशी कारवाई करण्याची ही पहिलीच वेळ होती. ग्राहकाने तक्रार केली तरच राष्ट्रीय ग्राहक तक्रार निवारण आयोगाचा संबंध येतो, परंतु ग्राहक संरक्षण कायदा 1986 मधील कलमानुसार सरकारही एखाद्या कंपनीच्या उत्पादनाबाबत तक्रार नोंदवू शकते. सरकारने या कायद्याच्या कलम 12-1 डी अन्वये तक्रार करण्याची ही पहिलीच वेळ होती.

या निर्णयाला नेस्लेकडून सुप्रीम कोर्टात आव्हान देण्यात आले होते. या याचिकेनंतर सुप्रीम कोर्टाने ग्राहक तक्रार निवारण आयोगासमोरील सुनावणीला स्थगिती दिली होती. गेल्या 3 वर्षांपासून हे प्रकरण सुप्रीम कोर्टात होते. अखेर गुरुवारी या याचिकेवर न्या. धनंजय चंद्रचुड यांच्या खंडपीठासमोर सुनावणी झाली.

नेस्ले इंडियाच्या वतीने अभिषेक मनु संघवी यांनी बाजू मांडली. म्हैसुरू प्रयोगशाळेत दिलेल्या मॅगीच्या नमुन्यांमध्ये शिशाचे प्रमाण दिलेल्या मानकांनुसारच असल्याचे स्पष्ट झाल्याचं त्यांनी सांगितलं. यावर न्यायाधीश चंद्रचूड यांनी शिसेयुक्त मॅगी लहान मुलांना का द्यावी ? असा सवाल संघवी यांना केला. त्यावर शिशाचे प्रमाण दिलेल्या मानकांनुसार असल्याचे व अनेक पदार्थांमध्ये काही प्रमाणात शिसे आढळून येत असल्याचा दावा कोर्टात संघवी यांनी केला आहे.

फुले दाम्पत्याला भारतरत्न मिळण्यासाठी प्रयत्न फुले दाम्पत्याला भारतरत्न मिळण्यासाठी प्रयत्न

फुले दाम्पत्याला भारतरत्न
मिळण्यासाठी प्रयत्न फुले दाम्पत्याला भारतरत्न
मिळण्यासाठी प्रयत्न
______________________________++++++++++++
नागपूर : महात्मा ज्योतिबा फुले आणि सावित्रीबाई
ज्योतिबा फुले या दाम्पत्याने सर्व समाजबांधवांची
प्रगती व उन्नती व्हावी
यासाठी आयुष्यभर कार्य केले. त्यांच्या कार्याला तोड
नाही. खऱ्या अर्थाने त्यांना भारतरत्न मिळणे हा
भारतरत्न पदाचा सन्मान होय. यासाठी राज्य सरकार
प्रयत्नशील असल्याची
माहिती मुख्यमंत्री देवेंद्र
फडणवीस यांनी रविवारी
दिली. अखिल भारतीय माळी
महासंघातर्फे आयोजित वधू-वर सूचक मेळाव्यात ते बोलत होते.
पालकमंत्री चंद्रशेखर बावनकुळे, आमदार अनिल सोले,
अखिल भारतीय माळी महासंघाचे
राष्ट्रीय सरचिटणीस अविनाश ठाकरे,
अध्यक्ष संभाजी पगारे, प्रदेशाध्यक्ष शंकरराव लिंगे
आदी व्यासपीठावर उपस्थित होते.
फडणवीस म्हणाले, फुले दाम्पत्याला योग्य
वेळी त्यांना हा सन्मान सरकारकडून देण्यात येईल.
यासंदर्भात केंद्र सरकारकडे शिफारस केली आहे. फुले
यांच्या विचारावर आमचे शासन काम करते. त्यांच्या आदर्शाचा आधार
घेऊ न दीनदलित, शोषित-पीडित
यांच्यासाठी विविध योजना राबविण्यासाठी शासन
कटिबद्ध आहे. तसेच माळी समाजाचे राज्यात चांगले
संघटन आहे. या संघटनेच्या माध्यमातून समाजाकरिता दिशादर्शक
उपक्रम राबविला जात आहे.
यावेळी अविनाश ठाकरे, संभाजी पगारे,
शंकरराव लिंगे, शहर कार्याध्यक्ष गोविंद वैरागडे व कार्याध्यक्ष
ज्ञानेशवर लोखंडे आदींनी मार्गदर्शन
केले. मेळाव्यात विविध प्रस्ताव पारित करून फुले दाम्पत्याला
भारतरत्न हा सन्मान देण्यात यावा, अशी
मागणी करण्यात आली. वधू-वर सूचक
मेळाव्यात ५५० युवक-युवतींनी
नोंदणी के ली होती.
यातील ३०० जणांचा परिचय करून देण्यात आला.
यावेळी जिल्हाध्यक्ष रमेश गिरडकर, शहर
सरचिटणीस कैलास जामगडे आदी मान्यवर
उपस्थित होेते. या मेळाव्याला युवक-युवती व
पालकांनी चांगला प्रतिसाद दिला. संचालन प्रा. कविता
भोपळे यांनी तर आभार मधुसूदन देशमुख
यांनी मानले. (प्रतिनिधी)
______________________________++++++++++++
नागपूर : महात्मा ज्योतिबा फुले आणि सावित्रीबाई
ज्योतिबा फुले या दाम्पत्याने सर्व समाजबांधवांची
प्रगती व उन्नती व्हावी
यासाठी आयुष्यभर कार्य केले. त्यांच्या कार्याला तोड
नाही. खऱ्या अर्थाने त्यांना भारतरत्न मिळणे हा
भारतरत्न पदाचा सन्मान होय. यासाठी राज्य सरकार
प्रयत्नशील असल्याची
माहिती मुख्यमंत्री देवेंद्र
फडणवीस यांनी रविवारी
दिली. अखिल भारतीय माळी
महासंघातर्फे आयोजित वधू-वर सूचक मेळाव्यात ते बोलत होते.
पालकमंत्री चंद्रशेखर बावनकुळे, आमदार अनिल सोले,
अखिल भारतीय माळी महासंघाचे
राष्ट्रीय सरचिटणीस अविनाश ठाकरे,
अध्यक्ष संभाजी पगारे, प्रदेशाध्यक्ष शंकरराव लिंगे
आदी व्यासपीठावर उपस्थित होते.
फडणवीस म्हणाले, फुले दाम्पत्याला योग्य
वेळी त्यांना हा सन्मान सरकारकडून देण्यात येईल.
यासंदर्भात केंद्र सरकारकडे शिफारस केली आहे. फुले
यांच्या विचारावर आमचे शासन काम करते. त्यांच्या आदर्शाचा आधार
घेऊ न दीनदलित, शोषित-पीडित
यांच्यासाठी विविध योजना राबविण्यासाठी शासन
कटिबद्ध आहे. तसेच माळी समाजाचे राज्यात चांगले
संघटन आहे. या संघटनेच्या माध्यमातून समाजाकरिता दिशादर्शक
उपक्रम राबविला जात आहे.
यावेळी अविनाश ठाकरे, संभाजी पगारे,
शंकरराव लिंगे, शहर कार्याध्यक्ष गोविंद वैरागडे व कार्याध्यक्ष
ज्ञानेशवर लोखंडे आदींनी मार्गदर्शन
केले. मेळाव्यात विविध प्रस्ताव पारित करून फुले दाम्पत्याला
भारतरत्न हा सन्मान देण्यात यावा, अशी
मागणी करण्यात आली. वधू-वर सूचक
मेळाव्यात ५५० युवक-युवतींनी
नोंदणी के ली होती.
यातील ३०० जणांचा परिचय करून देण्यात आला.
यावेळी जिल्हाध्यक्ष रमेश गिरडकर, शहर
सरचिटणीस कैलास जामगडे आदी मान्यवर
उपस्थित होेते. या मेळाव्याला युवक-युवती व
पालकांनी चांगला प्रतिसाद दिला. संचालन प्रा. कविता
भोपळे यांनी तर आभार मधुसूदन देशमुख
यांनी मानले. (प्रतिनिधी)