औरंगाबाद महामार्गावरील एटीएम फोडणारी टोळी अटकेत

३ तारखेला औरंगाबाद परिसरातील कुंभेफळ यैथील एसबीआय बॅंकेचे एटीएम फोडण्याचा प्रयत्न करणाऱ्या टोळीला ग्रामीण गुन्हे शाखेने अटक केलं आहे.
अमरिकसिंग हजारीसिंग, जसविंदरसिंग दलविरसिंग, हरपालसिंग अमरजितसिंग ही अटक करण्यात आलेल्या आरोपींची नावं आहे. पहिल्यांदाच आम्ही प्रयत्न केला असे हे चोरटे सांगत आहेत. तिघेही छत्तीसगढमधील रायपूरमध्ये काम करत आहेत.

पोलिस निरीक्षक सुभाष भुजंग यांच्या मार्गदर्शनाखाली पीएसआय भगतसिंग दुलत यांनी टोलनाक्यावरुन शहराबाहेर जाणार्‍या गाड्यांची माहिती घेतल्यानंतर सीसीटीव्ही फुटेजमधे हे तिघे आढळले. छत्तीसगडमधून ट्रकच्या मालकाची माहिती घेत ट्रकचे सध्याचे लोकेशन पीएसआय दुलंत यांनी घेतले. पथकासह वर्ध्याला जात शुक्रवारी पहाटे अटक करुन शहरात आणले. चोरट्यांनी जबाब नोंदवताना सांगितले की, कोणतेही एटीएम फोडण्यासाठी एक महिना आधी त्या ठिकाणाची रेकी केली जात होती. त्यानंतर एटीएम समोर ट्रक आडवा लावून वरील तिन्ही आरोपी पैकी एकाच्या एटीएम मधे पैसे असल्याची खात्री केली. चोरट्यांनी रायपूरहून एटीएम फोडण्यासाठी लागणारे गॅस सिलेंडर घेतले होते. नांदेडहून कटर घेतले होते. आता या तिघांनाही अटक करण्यात आली असून त्यांची चौकशी सुरु आहे.

पाकिस्तान एका सर्जिकल स्ट्राइकने सुधारणार नाही- मोदी

पाकिस्तान भारताच्या कुरापती काढणे सोडत नाही. पाकिस्तानकडून सुधारण्याची अपेक्षा ठेवणं साफ चुकीचं आहे. पाकिस्तानला सुधारायचं असेल तर त्याला किती वेळ लागेल हे सांगता येणार नाही. एका सर्जिकल स्ट्राइकने त्यांना अक्कल आली असे दिसत नाही असे म्हणत पंतप्रधान नरेंद्र मोदींनी आणखी एका सर्जिकल स्ट्राइकचे संकेत दिले आहेत. एएनआय या वृत्तसंस्थेला दिलेल्या मुलाखतीत त्यांनी हे संकेत दिले आहेत. नव्या वर्षाच्या पहिल्याच दिवशी पंतप्रधान नरेंद्र मोदी यांनी आक्रमक होत पाकिस्तानला ठणकावले आहे. पाकिस्तानच्या कुरापती थांबल्या नाहीत, दहशतवादी हल्ले थांबले नाहीत तर आम्हाला आणखी एक सर्जिकल स्ट्राइक करावाच लागेल असे संकेत मोदींनी दिले आहेत.

एकीकडे पाकिस्तानची चर्चेची भाषा होते आणि दुसरीकडे भारतावर दहशतवादी हल्ले होतात. पाकिस्तानकडून सुधारण्याची अपेक्षा ठेवणं हे चुकीचं ठरेल त्यांना एका लढाईने अक्कल आली असे अजिबात वाटत नाही असेही पंतप्रधान नरेंद्र मोदी यांनी म्हटले आहे.

भारताने जेव्हा पाकिस्तानविरोधात सर्जिकल स्ट्राइक केला तेव्हा देशभरातून या निर्णयाचे कौतुक झाले. तर काँग्रेसने या सर्जिकल स्ट्राइकचे पुरावे मागितले त्यामुळे काँग्रेसवर टीकाही झाली होती. सर्जिकल स्ट्राइकचे काही व्हिडिओही सरकारने जारी केले होते. आता पाकिस्तानच्या कारवाया थांबवायच्या असतील तर अशाच सर्जिकल स्ट्राइकची गरज असल्याचे संकेत नरेंद्र मोदी यांनी त्यांच्या मुलाखतीतून दिले आहेत.

तुकाराम मुंढेंच्या विरोधातला अविश्वास प्रस्ताव बारगळला!


नाशिक महापालिका आयुक्त तुकाराम मुंडे यांच्या विरोधात दाखल केलेला अविश्वास प्रस्ताव अखेर मागे घेण्यात आला आहे. गेल्या बऱ्याच दिवसांपासून हा विषय चर्चेत होता. मात्र, मुख्यमंत्र्यांच्या आदेशानंतर भाजपाच्या नगरसेवंकांनी मुंढेंविरोधातला हा अविश्वास प्रस्ताव मागे घेतला आहे. शनिवार १ सप्टेंबर रोजी होणाऱ्या महासभेतील हा अविश्वास प्रस्ताव मागे घेण्यात आल्याची माहिती महापौर रंजना भानसी यांनी दिली आहे. विशेष म्हणजे मुख्यमंत्र्यांनी आदेश दिल्यानंतर भाजपा नगरसेवक नरमल्याचे पहायला मिळत आहे. दरम्यान काही दिवसांपूर्वी मुंढे यांच्याविरोधात सर्वपक्षीय नगरसेवकांनी एकत्र येत हा अविश्वास प्रस्ताव तयार केला होता. हा प्रस्ताव महापौर रंजना भानसी यांच्याकडे सादर करण्यात आला होता. तुकारम मुंढेंच्या कामाच्या पद्धतीवर नाराजी व्यक्त करत सर्वपक्षीय नगरसेवकांनी या अविश्वास प्रस्तावाला समर्थन दिलं होतं.